اپڈیٹس
اینو 30 جولائی 2026ء نا دے ریڈیو پاکستان کوئٹہ اسٹیشن نا ڈلّس براہوئی اکیڈمی نا مرکزی دفتر نا دورہ ئے کرے ہرانا کماشی اے گودی صدیقہ ملالئی کن
تاریخ: 06 Sep, 2026
ایڈمن: براہوئی اکیڈمی
براہوئی اکیڈمی نا پارہ غان ڈل ئے چیئرمین براہوئی اکیڈمی پروفیسر ڈاکٹر سوسن براہوئی اَو اونا کابینہ نا باسکاک ایگزیکٹو باڈی نا ممبر خواجہ محمد افضل مینگل، آفس سیکرٹری محبوب صیاد براہوئی، ایگزیکٹو کمیٹی نا ممبراک ظفر ذیشان اَو پروفیسر اکبر علی ساسولی تون اوار براہوئی، اردو او پنجابی نا گچینا لکھاری خواجہ شفقت عاصمی بخیرٹ کریر۔
ریڈیو پاکستان نا ڈلے مرکزی چیئرمین ڈاکٹر سوسن براہوئی، براہوئی اکیڈمی نا ساڑی وخت ئسکان براہوئی قوم، زبان اَو ادب کن کروکا خدمتاتا باروٹ بھاز گچینی ئٹ احوال تس۔
گودی صدیقہ ملالئی ہیت کرسا پارے کہ براہوئی اکیڈمی نا براہوئی کن کروکا خدمتاک کس آن ڈھکوک افس دا چُھنکا جاگہ ٹی مرسا ہم براہوئی اکیڈمی بھاز گچینی ئٹ براہوئی زبان اَو ادب نا خذمتے کننگ ٹی ئے۔
او مُستی پارے کہ ادارہ غاک اینو تین پہ تین آن مُرو ہرافتا تین پہ تین تو رابطہ ہم مننگ اف۔ تو نن دا مُری ئے ختم کننگ کن ہر ادارہ نا دورہ نا ارادہ ئے کرینُن اَو اولیکو دورہ ئے براہوئی اکیڈمی نا کرین۔ اُستے بھاز خوشی مس کہ ادبی ادارہ غاک داخدر گچینی ئٹ تینا کڑدارے ادا کرسا بننگ ٹی ؤ۔
گڈ سر ٹی ریڈیو اسٹیشن نا حوالہ ٹی گودی افسوز تون پارے کہ ہمے ہم وختَس ئس کہ کسے اسہ انمولو لائخو بندغَسے نا ڈسے پٹوئی مروس یا اونا لائخی تے مونا ہتوئی مروسس تو او ریڈیو اسٹیشن آتا پارہ غا مون کریرہ ولہِ افسوزے کہ اینو دا بھلا ادارہ ہم دے پہ دے آن زوال نا شکار مرسا بننگ ٹی ئے۔
گودی براہوئی اکیڈمی آن خواست کرے کہ نن ارادہ کرینُن کہ ادبیّا پروگرامتا بنائے کین ہراڑکن نم ننے کمک کبو تاکہ دا ادبیّا پروگرامک سرسہب مریر ۔
چیئرمین براہوئی اکیڈمی ڈاکٹر سوسن براہوئی گودی نا ورندی ٹی پارے کہ نن ہر ادارہ تون ہم گام مرسا چلینگ کن ہر وخت تیارُن۔ نن خواہنہ کہ ادبی خذمتاتا حوالہ ٹی ہچو ادارہ ئس پدی سلپ ہرکس تینا کڑدارے ادا کے اَو کل اوار ہِنسا کین۔
ڈاکٹر صاحب مُستی پارے کہ اکیڈمی نا پارہ غان لیکچر پروگرامتا بنائے کرینُن ہراڑان ادب دوستی ٹی ودھیکی خننگ ٹی بریک ان شاءاللہ دا سلسلہ ئے ہخس کہ ادارہ نا وس مس ہموخس مونی درو اَو ادب دودتی ئے ودھفنگ ٹی تینا کڑدارے ادا کرو۔
چیئرمین براہوئی اکیڈمی ڈاکٹر سوسن براہوئی گودی آن خواست کرے کہ ریڈیو پاکستان ننے غلام نبی راہی تون اوار ایلو براہوئی رائیٹراتا اسکرپٹاتے ایتہِ تاکہ نن اوفتا اسکرپٹاتے براہوئی اکیڈمی نا پارہ غان چھاپ کرسا کین اَو غلام نبی راہی تون اوار ایلو کل براہوئی تا اسکرپٹاتے کتابی دروشم ٹی ہتسا قدر ترفنگ کین۔
گڈ سر ٹی مہمان تے براہوئی اکیڈمی نا لائبریری اَو دفتراتا دورہ ئے ہم کرفنگا۔
اندن براہوئی اکیڈمی نا پارہ غان کتاباتا ٹھیکی ہم تننگا
ریڈیو پاکستان نا ڈلے مرکزی چیئرمین ڈاکٹر سوسن براہوئی، براہوئی اکیڈمی نا ساڑی وخت ئسکان براہوئی قوم، زبان اَو ادب کن کروکا خدمتاتا باروٹ بھاز گچینی ئٹ احوال تس۔
گودی صدیقہ ملالئی ہیت کرسا پارے کہ براہوئی اکیڈمی نا براہوئی کن کروکا خدمتاک کس آن ڈھکوک افس دا چُھنکا جاگہ ٹی مرسا ہم براہوئی اکیڈمی بھاز گچینی ئٹ براہوئی زبان اَو ادب نا خذمتے کننگ ٹی ئے۔
او مُستی پارے کہ ادارہ غاک اینو تین پہ تین آن مُرو ہرافتا تین پہ تین تو رابطہ ہم مننگ اف۔ تو نن دا مُری ئے ختم کننگ کن ہر ادارہ نا دورہ نا ارادہ ئے کرینُن اَو اولیکو دورہ ئے براہوئی اکیڈمی نا کرین۔ اُستے بھاز خوشی مس کہ ادبی ادارہ غاک داخدر گچینی ئٹ تینا کڑدارے ادا کرسا بننگ ٹی ؤ۔
گڈ سر ٹی ریڈیو اسٹیشن نا حوالہ ٹی گودی افسوز تون پارے کہ ہمے ہم وختَس ئس کہ کسے اسہ انمولو لائخو بندغَسے نا ڈسے پٹوئی مروس یا اونا لائخی تے مونا ہتوئی مروسس تو او ریڈیو اسٹیشن آتا پارہ غا مون کریرہ ولہِ افسوزے کہ اینو دا بھلا ادارہ ہم دے پہ دے آن زوال نا شکار مرسا بننگ ٹی ئے۔
گودی براہوئی اکیڈمی آن خواست کرے کہ نن ارادہ کرینُن کہ ادبیّا پروگرامتا بنائے کین ہراڑکن نم ننے کمک کبو تاکہ دا ادبیّا پروگرامک سرسہب مریر ۔
چیئرمین براہوئی اکیڈمی ڈاکٹر سوسن براہوئی گودی نا ورندی ٹی پارے کہ نن ہر ادارہ تون ہم گام مرسا چلینگ کن ہر وخت تیارُن۔ نن خواہنہ کہ ادبی خذمتاتا حوالہ ٹی ہچو ادارہ ئس پدی سلپ ہرکس تینا کڑدارے ادا کے اَو کل اوار ہِنسا کین۔
ڈاکٹر صاحب مُستی پارے کہ اکیڈمی نا پارہ غان لیکچر پروگرامتا بنائے کرینُن ہراڑان ادب دوستی ٹی ودھیکی خننگ ٹی بریک ان شاءاللہ دا سلسلہ ئے ہخس کہ ادارہ نا وس مس ہموخس مونی درو اَو ادب دودتی ئے ودھفنگ ٹی تینا کڑدارے ادا کرو۔
چیئرمین براہوئی اکیڈمی ڈاکٹر سوسن براہوئی گودی آن خواست کرے کہ ریڈیو پاکستان ننے غلام نبی راہی تون اوار ایلو براہوئی رائیٹراتا اسکرپٹاتے ایتہِ تاکہ نن اوفتا اسکرپٹاتے براہوئی اکیڈمی نا پارہ غان چھاپ کرسا کین اَو غلام نبی راہی تون اوار ایلو کل براہوئی تا اسکرپٹاتے کتابی دروشم ٹی ہتسا قدر ترفنگ کین۔
گڈ سر ٹی مہمان تے براہوئی اکیڈمی نا لائبریری اَو دفتراتا دورہ ئے ہم کرفنگا۔
اندن براہوئی اکیڈمی نا پارہ غان کتاباتا ٹھیکی ہم تننگا